Sveitagrín

Almannarómur í sveitinni

Hún gerði það ágætt hún Guðmunda.
Hún gerði það fyrst undir Ámunda.
Svo með Helga og Tý
svo með Helga á ný
og svo með hljómsveit sem stödd var í námunda.

Hún Ingveldur gamla frá Engi.
Hún ei hafði fengi´ða lengi.
En á leið heim af engjunum
hún lent´undir drengjunum
og lá svo í mánuð með strengi.

Það er almenningsálit í sveitinni
að ást séra Marteins á geitinni
megi hreint ekki lá,
þegar litið er á
hversu lík hún er Jórunni heitinni.

Jóhann S. Hannesson



Einn piltur úr Fjöllunum fannlausu
komst í færi við Hallfríði mannlausu.
Þá brjálaðist gellan
og beit hann í sprellann,
nú tekur hann bara þær tannlausu.

Höf: Björn Ingólfsson

Baksturbreytingar.....!

Eins og hjá fleirrum hafa innkaup heimilissins tekið smá breytingum .....þó ekki neitt stórvægilega en þó svona nokkuð.  Helst hefur það verið að í haust þegar Frú Kreppa bankaði uppá að þá var verslaði inn í stórum skömmtum já eiginlega bara hamstarð hehehehehe.....en ég var jú ekki ein um það.  Svo til að þetta skemmist nú ekki bara þá hefur maður tekið upp þann sið að baka brauð alla daga......eða sko allt að því.  Því brauð er jú orðið skuggalega dýrt í búðum eins og allt sosum.  Og er nú hamast við að gera tilraunir með eitt og annað í brauðið sem koma jú misjafnlega vel út en þó ætar.  Svo er maður lagður af stað í jólabaksturinn ......svona til tilbreytingar hehehehehe en það hefur jú verið svona í minna lagi sem maður bakar af þeim ......því þær klárast alltaf ! Svo til hvers að hamast við að baka og svo er allt búið áður en það kólnar ?  Þannig að nú verður bara bakað í stóru upplagi og hent í snjóskaflinn svo það verði þó allavega orðið kalt áður en það klárast !
Jæja best að fara að meika piparkökudeigið fyrir morgundaginn.   Já það verður sennilega fjall svona til að vera save með nóg.

Styttist í jólasveinana.....

Þar sem styttist í jólasveinana finnst mér tilvalið að rifja upp vísurnar um þá......

1.
Glitnisgaur kom fyrstur,
gráðugur í öll bréf.
Hann laumaðist í vasana
og lék með fólksins fé.

Hann vildi sjúga þjóðina,
-þá varð henni ekki um sel,
því greyið var sko afæta,
-það gekk nú ekki vel.

2.
Björgúlfsaur var annar,
með gráa hausinn sinn.
-Hann skreið úr skipi hafsins
og skaust í bankann inn.

Hann faldi sig í Rússlandi
og froðunni stal,
meðan bjórmeistarinn átti
við Yeltsín gamla tal.

3.
Bjármann hét sá þriðji,
böðullinn sá.
Hann krækti sér í milljarða
þegar kostur var á.

Hann hljóp með þá til Noregs
en hirti ekki um sjóðina,
sem féllu hver af öðrum
við sjáum núna slóðina.

4.
Sá fjórði, Bændasleikir,
var fjarskalega sljór.
Og ósköp varð hann leiður,
þegar bankadruslan fór.

Þá þaut hann eins og Welding
og þotuna greip,
og flaug með henni í London
því krónan var svo sleip.

5.
Sá fimmti Smárasnefill,
var skrítið fjármagnsstrá.
-Þegar hinir fengu í nefið
hann barði dyrnar á.

Þeir ruku’upp, til að gá að
hvort gestur væri á ferð.
Þá flýtti’ ann sér að pokanum
og fékk sér góðan verð.

6.
Sá sjötti Sigjónárna,
var alveg dæmalaus.-
Hann framundan rústunum
rak sinn ljóta haus.

Þegar fólkið vildi skýringar
á auralausum reikningum,
hann slunginn var að afsaka
og skyldi ei neitt í hlutunum.

7.
Sjöundi var Heiðarmár,
-sá var sjaldan sýndur,
ef fólkið vildi tal af ‘onum
hann var alltaf týndur.

Hann var ekki sérlega
hnugginn yfir því,
þó þjóðarskútan maraði
þá hálfu kafi í.

8.
Baugabur, sá áttundi,
var skelfilega þver.
Hann hluta keypt’af bönkunum
með hluta úr sjálfum sér.

Svo lánaði hann sér milljarða
og yfir öðrum gein,
uns stóð hann á blístri
og stundi og hrein.

9.
Níundi var Nógafaur,
næmur á fé og snar.
Hann hentist út um heiminn
og hluti keypti þar.

Á enskum bita sat hann
í símaleik
og át þar hluti drjúga,
enga Breta sveik.

10.
Tíundi var Skallakjaftur,
tungulipur mann,
sem hamaðist á landslýð
og æsti upp hann.

Ef vammlegt var hvergi
né ósiðlegt að sjá,
hann oftast nær seinna
í það reyndi að ná.

11.
Ellefti var Stjórnaskelfir
-aldrei fékk sá kvef,
og hafði þó svo hláleg
og heljarstór eyru og nef.

Ef fnyk af féhyggju
ekki hann fann,
þá léttur, eins og reykur,
lyktina upp spann.

12.
Sólráður, sá tólfti,
kunni að spinna vef.-
Hann þingmannasveitina
sveigði í kosningaþref.

Hann krækti sér í fylgi,
þegar kostur var á.
En stundum reyndist enginn
akkurinn hans þá.

13.
Þrettándi var Kreppugeir,
-þá var komið kvöld,
alltaf kom hann síðastur
á bankahrunsöld.

Hann blekkti litlu börnin sín,
sem mótmæltu prúð og fín,
og trítluðu um bæinn
með spónaspjöldin sín.

Umsnúið af Rodor 2008

Rautt flauel....

Af því að ég hef ekkert að gera og nenni engu þá ákvað skólastjórinn hér í sveit að nenna ekki neinu heldur og aflýsti skólahaldi í dag.....jey eins og það sé einmitt það sem maður óskaði sér.....?  Málið er að það er ekki einu sinni "brjálað" veður bara týpískt íslenskt veður.  En allavega þá er fúlt veður í Húnaþingi og enginn skóli þar svo hér er fylgt á eftir.  Svo.....að hér er einn happý með fríið og einn fúll með að það sé "brjálað" veður og enginn skóli.  Já maður færi ekki alltaf það sem maður vill......heheheh....  Verið er að leggja lokahönd á fjárhúsin hjá gamla settinu svo nú ætti að vera hægt að ná rollurössunum inn fyrir myrkur enda veðurfýla úti og alveg kominn tími á að taka inn.  Gamli kláraði að moka út í gær .....og var feginn að hafa gert það þegar hann sá út í morgun hehehe...

Nú jæja að kjarna málsins......rauða flaueliskakan......ummmmmmm..... sem ég bakaði í gær og OMG hvað hún er góð.  "sæll" eigum við að ræða það eitthvað nánar......leyfðu mér að hugsa.........eehhhh já. 

Rauð flaueliskaka.  Red Velvet Cake

250 gr. hveiti
1 tsk. lyftiduft
1 tsk. matarsóti
1/2 tsk. salt
2 msk. kakó
120 gr. smjörvi
270 gr. sykur
3 egg
240 ml. súrmjólk
2 msk. rauður matarlitur
1 tsk. vanilludropar

Sigtið hveiti, lyftiduft, matarsóta, salt og kakó saman í skál og geymið.  Hrærið smjör í ca. 2 mín og bætið svo sykri samn við og hrærið áfram í ca. 2-3 mín.  Setjið egg saman við, eitt í einu og hrærið vel á milli.  Hellið súrmjólk í skál og blandið matarlitnum samanvið ásamt vanilludropunum.  Hellið þessu svo í til skiptis á við þurrefnin í skálina bara að passa að hræra ekki of lengi/mikið.  Skipta deiginu í 2 24 cm form (smurð eða með bökunarpappír)  bakið í u.þ.b. 20 mín á 180 °C  (Einnig er hægt að gera 3 botna ef vill og verður þá kakan reisulegri en þá gæti verið gott að tvöfalda uppskriftina)Kælið kökuna vel áður en kremið er sett á.  Gott að skella henni í poka og í frystinn í 1 klst. og þá verður auðveldara að setja kremið á.

Krem.
1 dós stór hreinn rjómaostur
4 msk. smjör
1 tsk. vanilludropar
250 gr. flórsykur
2 1/2 dl. þeyttur rjómi.

Hrærið rjómaostinn í nokkrar mín eða þar til hann er orðinn mjúkur, bætið þá smjörinu saman við ásamt vanilludropum.  Skafið niður og bætið flórsykri útí og hrærið.  Hrærið rjómann varlega saman við að lokum.  Geymið í kæli ca. 1 klst. eða þar til kremið er orðið nógu stíft til að setja á kökuna.   Setjið vel af kreminu á milli og hyljið svo kökuna alla.  Skreytið kökuna með kókos ef vill.

Ciao.

 

 

 

 

Enn er bakað....

Á þessum tíma hrökkva allir í jólagírinn ....eða flestir allavega....og skreyta og hengja upp seríur út um allt.  Ég aftur geri það nú venjulega ekki alveg svona snemma en þó í byrjun aðventu eða svona eftir því hvað tíminn er að vinna með manni.  Nú en þessa dagana hrökk ég í bakaragírinn og baka nú bara útí eitt .....ekki vandræði....aldrei þessu vant.....  Gerði brúna lagköku um daginn, nú svo var það hvíta lagkakan í gær og núna er ég að purfa köku úr Kökublaði Gestgjafans.  Rauð flaueliskaka.  Verður spennandi að smakka á eftir en hún er í þessum skrifuðu orðum að dingla sér í ofninum. 

Annars bara góð þó er töluvert kalt úti ....birrr.... eiginlega bara skítkalt en þó er logn .......og hver sagði svo að það væri alltaf rok í Hrútó ????

Jæja ætla að halda áfram að meika köku.....ciao.

Brosum

Í takt við tíðarandann.....

Íslenskur lýtalæknir var staddur á ráðstefnu erlendis með kollegum sínum. Eftir langa og stranga dagskrá ráðstefnunnar héldu ráðstefnugestir á öldurhús og gerðu sér glaðan dag. Eftir því sem líða fór á kvöldið og nóttina þynntist hópurinn og lokst sátu einungis þeir þaulsetnustu eftir.
Þegar þeir höfðu ekkert meira að tala um fóru þeir að segja hetjusögur af þeim afrekum sem þeir höfðu unnið á skurðborðinu.

Einn Bretinn sagði sögu af því að hann ásamt teymi sínu hafi tekið á móti sjúklingi sem missti hendina í prentsmiðju. Á sjúklinginn græddu þeir nýjan handlegg, lófa og fingur og eftir að hann kom til starfa aftur varð hann svo góður og öflugur verkmaður að hann vann á við 4 og því fóru þrír á atvinnuleysisskrá sem áður störfuðu hjá fyrirtækinu.

Rússnenskum lækni fannst ekki mikið til þess koma og sagði frá manni sem lent hafði inní kjarnaofni. Þeir fengu ekkert annað en hárið inná skurðborðið til sín, græddu á það höfuð, búk og útlimi. Þessi maður varð svo góður verkmaður þegar hann snéri aftur til starfa að hægt var að segja upp heilli vakt í kjarnorkuverinu, 9 manns fóru á atvinnuleysisskrá.

Íslenski læknirinn sagði iss við þessari sögu. "Ég var einu sinni staddur niðrí Austurstræti og fann rosalega vonda prumpulykt. Ég veiddi hana í poka og brunaði með hana uppá Borgarspítala og skellti henni á skurðborðið. Við græddum á þetta búk, höfuð, útlimi og enduðum með að setja krullur ofaná þetta allt saman. Úr þessu varð Davíð Oddsson og hann er á góðri leið með að setja alla þjóðina á atvinnuleysisskrá".

Ekkert merkilegt....

Gærdagurinn var nú bara rólegur enda ágætt að leyfa sér aðeins að taka út smá leti ......eða kannski var það ekki eins sniðugt og maður heldur því það gerist jú ekkert á meðan.  En afrekaði þó að baka brúna lagköku og það stærrigerðina sko.....já eins og maður gerði í Brú hér áður.  Þannig að nú eru til 4 stórir bitar í frosti.......já eins og það dugi nú eitthvað á þessu heimili því að þetta er eitt það besta sem börnin fá.  Gæti alveg eins sleppt að baka annað sko.  Þau hreinlega gætu lifað á þessu.

Nú svo er það sama og venjulega elda mat og meiri mat því tengdapabbi og svili eru hér enn að hjálpa til við að græja húsin en það er jú að hafast að moka loksins en vélin er búin að vera að gera fóki lífð ansi leitt.  Maður er farinn að fíla sig eins og karakter í "Fastir liðir eins og venjulega" en er ekki alveg viss hvaða húsi ég bý í ?  Held að ég láti það vera að ráðast í hvítu lagkökuna í dag og fari frekar í að sinna gæludýrunum (hobbýinu) en það tekur smá tíma að græja það og er gott að nota tímann meðan skvísan sefur svo maður fái næði meðan maður sullar.

Annars allt gott bara og er sennilega búin að finna lausn á þessu með jólakortin.  Búin að hanna kort og búin að finna lausn á að ná því út úr tölvunni líka hehehehe......  En ég fékk óvænt tölvupóst frá Photobucket sem er myndageymslusíða.  Og voru þeir að bjóða svona sniðugt ....búðu til persónuleg kort..... og mín fór að basla við að reyna og komst að þvi að þarna eru sko sniðugt myndaforrit sem ágætt er að vinna í svipað og er reyndar í tölvunni en þó ekki eins.  Betra en tímafrekara.  Þannig að ég prenntaði út og kallinn er búinn að samþykkja þetta og nú er bara að purfa að prennta þetta út á rétta pappírinn og sjá útkomuna. 

Jæja farin að elda....... 

Gott svona á mánudagsmorgni......:)

Vangaveltur.....

Ég var að lesa kommentin ykkar og þakka öll yndælu orðin í minn garð.  Takk

En frændi var að tala um að hann vildi geta bloggað jákvætt eins og ég geri......Málið er að ég bara nenni ekki að velta mér uppúr þessu kreppu máli það er nógu samt.  Flest blogg eru full af þessu og fréttir í sjónvarpi ....ja það er ekkert annað þar, nú svo blöðin ......þar er orðaforðinn bundinn við kreppu...  Ég taldi mig vera nokkuð bærilega þrátt fyrir allt en það er nú víst kannski aðeins lakari staða en maður vildi en hvað getur maður gert ???? Lítið.  Nema að reyna sitt besta og taka það ekki of mikið inná sig eða það er mín skoðun.  Gera sér að góðu það sem maður hefur og þakka fyrir að maður sé ekki búinn að tapa fleirri fleirri millum því maður var ríkur.  Það er nefnilega stundum gott að vera bara fátækur því þá er skellurinn minni.  En fjallið kannski aðeins brattara. 

Jæja ætla nú ekki að velta þessu meira hér fyrir mér.  En mín skilaboð eru bara þessi "horfðu á björtu hliðarnar"  það gerði Stormsker allavega og komst helvíti langt á því.  "heimurinn hann gæti verið verri" 

En í dag var farið í 3falt afmæli með krakkana og var voða fjör.  Litla konan var sko alveg að fíla sig á meðal krakknna og var ekki svo ýkja feimin eins og bróðir hennar var á sama aldri en það tók á því hann var gersamlega öfugur þegar maður fór með hann eitthvað.  Nú svo var verið að taka myndir af grísunum þremur þar sem ég er að láta prennta á boli og músamottur.  Og OMG hvað það er erfitt að ná mynd af 3 börnum svo vel sé.  En það tókst.  Væri sennilega farinn inn á deild ef ég hefði nú klætt liðið upp líka þannig ég tók bara einföldu leiðina og engin spariföt takk.  En skelli hér inn einni af Tríóinu mínu.

Eigið ljúfan sunnudag kæru bloggfélagar.