Strákamömmur.....!

Hafið þið lent í þessu ?

Þessar elskur skilja jú ekki tilgang þess að nota innlegg.   En þó ég eigi nú 2 gaura hef ég sloppið enn.

Flottur :)

Tíkarbarandari :)

Þau voru nýkomin inn á hótelið í brúðkaupsferðinni og eftir yndislegan kvöldverð með kertaljósum og öllu tilheyrandi var kominn timi til að fara upp í flottu hjónasvítuna.

Um leið og þau gengu þangað inn, sagði brúðurin:

„Ég veit þú verður nærgætinn við mig ástin mín þvi enn er ég hrein mey!

Hann var hreint ekki með á nótunum:

„Hvað segirðu kona? Þetta er ótrúlegt þar sem þú  giftir þig í dag í annað sinn!!

„Jú, alveg rétt, sagði hún.

„En minn fyrrverandi er í Sjálfstæðisflokknum og hann eyddi þessum tíu árum sem við vorum gift í að segja mér hversu kynmök séu holl, góð og nauðsynleg en aldrei kom hann sér að verki,           blessaður.

Frumburðurinn 9 ára í dag.

Jæja þá eru komin 9 ár síðan maður neyddist að leggjast inn á Landspítalann.  Kl. 19:27 fæddist hann.  3.208 gr. og 47,5 cm.  En hefur ekki gert annað en að stækka síðan þessi elska.

Við héldum afmælisveislu í gær.  Fámenna og góðmenna enda er það oftast best.  Og var gauinn sáttur og glaður með daginn.  Svo verður pizzaveisla í kvöld .....en auðvitað fékk afmælisbarnið að velja hvað yrði í matinn.....

Brauðtertan.

Veisluborðið.

Verið að syngja fyrir afmælisbarnið.

En jæja þá er best að fara að undirbúa pizzapartýið.

Caio.

Afmæli framundan.

Jæja þá líður að því að frumburðurinn verði 9 ára eða þann 9 feb. og stendur til að halda smá teiti á sunnudaginn fyrir hann.  Ekki ætla ég nú að keppa við kellurnar í sveitinni með hlaðborðið .......enda á ég bara lítið borð fyrir veitingarnar svo það setur manni smá línur hvað varðar úrval og magn.  Var drengurinn því spurður hvað hann vildi hafa af veitingum í sínu afmæli ......þetta er jú hans dagur og til hvers að hafa fullt af tertum sem krakkarnir ekki borða.......?  Þetta er krakkaafmæli og því bera að stíla inn á þeirra smekk ekki satt.  En allavega þá valdi hann nkl það sama og ég hafði hugsað mér að hafa.  Þannig ég slepp vel hvað varðar bakstur.  Þarf ekki að baka nema 1 köku ....afmæliskökuna sjálfa hitt verður allt kalt, sætt eða heitt.  Það sem þarf þá bara að einbeita sér að í staðinn er að taka til og þrífa ........hummmm eins og það sé eitthvað skemmtilegra hahahahaha.....ónei.  En verður að gera engu að síður.  Svo nú skal bretta upp ermar.......eða þannig .......slepp vel alltaf í stutterma hihihihihi...... En einn gamall og góður til að lesa þar til næst.

Ætli það geti verið að þetta eigi við "fjárglæframenn" Íslands?

Að bera fé: Afklæða kind

Aflafé: Kindur sem stunda veiðiskap

Áhættufé: Fífldjarfar sauðkindur

Eigið fé: Kindur sem maður á sjálfur

Fégirnd: Afbrigðileg kynhneigð ( Að girnast sauðfé)

Fégræðgi: Að vera einstaklega sólginn í sauðaket

Féhirðir: Smali

Félag: Lag sem samið er um sauðfé

Félagi: Sá sem leggur lag sitt við sauðfé

Félegur: Eins og sauður

Féleysi: Þegar skorið hefur verið niður vegna riðuveiki

Fjárdráttur: Samræði við kind

Fjárhagur: Einhver sem er afar laginn við sauðfé

Fjárhirslur: Geymslur fyrir sauðfé

Fjárlög: Mörg lög sem samin eru um sauðfé

Fjármagn: Þegar margar ær koma saman

Fjármál: Tungumál sauðkinda/jarm- Tóndæmi

Fjármálaráðherra : Yfir smali

Fjármunir: Lausamunir í eigu sauðkinda

Fjárnám: Skóli fyrir kindur

Fjárplógsstarfsemi: Jarðyrkja þar sem sauðfé er beitt fyrir plóg

Fjársöfnun: Smalamennska

Fjárútlát: Þegar ærnar eru settar út á vorin

Fjárvarsla: Það að geyma kindur

Fjárveitingar: Þegar boðið er upp á sauðket í matarboðum

Fjáröflun : Smalamennska


 Lifið heil og njótið.

Afmælisbarnið.

(ekki ný mynd)

Jæja bara kominn febrúar.

Ekki ber á öðru.  Mikið búið að vera að gera í matar og kjötstússi.  Eins hefur maður verið að grípa í blessað fjárbókhaldið en því átti að skila fyrir 1. feb.  Og það tókst.  En um síðustu helgi var loksins farið í að gera kjötfarsið og bjúgun en ekki vannst tími til að klára það fyrir jól enda nóg annað að gera.  Gerði líka smávegis af kjötbúðing líka.  Nú svo var keikt undir þessu í kofa nágrannans og skelltum við nokkrum sviðahausum í reykinn líka ummmm.... reykt svið eru ótrúlega góð.  Nú svo þar sem folöldin voru komin heim þá var ekki seinna vænna en að græja þau.  Og er maður búinn að vera á haus í að græja gúllas, snitzel og steikur.  En folaldakjötið slær flest út.  Svo verður 1 jálkur settur í tunnu og bjúgu.  Já meiri bjúgu.  En þar sem það er jú kreppa þá er um að gera að reyna að nýta þetta.  Og það kreppir að líka í heyforðanum svo það er ekki gáfulegt að vera að ala hross sem ekki eru nothæf.  Svo er næsta mál á dagskrá að taka hrútapjakkana úr svo ekki verði frjálsar ástir fram á vor.  Og ómerkingar í kippuvís sem koma af fjalli í haust.

Afmælisalda gengur yfir en það var farið í afmæli síðasta sunnudag.....um leið og Gunnar kom heim var leikskólaafmæli og það 2falt ......voða fjör og Guðveig sko alveg að fýla sig að fara í afmæli.  Nú svo var annað afmæli í gær en bara fyrir skólakrakkana.  Og var víst voða fjör en ég reddaði fari fyrir Gunnar svo gæti klárað kjöt og bókhaldsbaslið.  Svo líður að því að hér verið haldið afmæli.  Stóri gaurinn að verða 9 ára svo það þarf að halda smá teiti. 

Ææjjj svo er maður bara eitthvað svo andlaus hvað blogg varðar þessa dagana enda eins og allir þá er jú Fésið svo sniðugt og hentugt samskiptaform að maður hefur lítið verið að bloggast.  En ég er ekki hætt neitt að blogg svo hvort sem ykkur líkar betur eða verr þá held ég áfram.  En jæja best að fara og gera eitthvað af viti.

Ciao.

Tannlæknaferð.

Farið var suður í gær með drengina til .  Gekk það vel og stóð sá litli sig með sóma meðan Tannsi skoðaði og hreinsaði tennurnar.  Sá stóri fékk "mega" hreinsun .....því nú er hann orðinn svo stór.  Laga þurfti smá í einum barnajaxli svo ekki yrði meira.  En holan var svo lítil að hún var greinilegt merki þess að kreppan hefur stöðvað Karíus og Baktus í því að flytja inn.  Enda húsnæði "dýrt" í dag og verða menn bara að sætta sig við það sem þeir hafa.  Svo fór sá stóri til pabba síns .....já ég gaf honum bara frí í skólanum enda prófin búin svo það er varla neitt sérstakt í gangi.  Allavega hefur mér ekki verið sagt það.  Svo fórum við Jónas um víðan bæ en það virtist vera sama hvert ég fór það kostaði mig bara tíma og vesen.  Svo ég er grútspæld bara.  Litli maðurinn rak á eftir manni og vildi drífa sig í Bónus svo hægt væri að klára að versla en hann vissi að það yrði farið á McDonald´s á eftir áður en lagt yrði af stað heim.

Jæja best að fara og gera eitthvað af viti eins og undirbúa bjúgnagerðina sem til stendur að fari í um helgina.  Já og kjötfars maður minn ummmm....... Tími til kominn enda farsið löngu uppselt í kistum heimilisins.

Caio.

Gobblingar.

Nú er búið að taka undan merunum .....eða þeim sem komnar eru af fjalli.  En það vantar nokkur hross ennþá sem eru einhverstaðar lengst í rassgati.  Og þar eru 2 folöld.  Greyin er nú dáldið hnjúskótt þar sem veðráttan hefur ekki verið hin besta í haust og vetur .....endalausir umhleypingar og það fer jú illa í hrossin. 

Núna voru kallarnir að fara upp á sleðum til að svipast um eftir þessu hrossum sem vantar.  Það er nú vonandi að þeir finni allt á lífi sem vantar því það sást til 4 trippa efst í girðingunni við ánna og það er aldrei að vita hvað þessum kjánum dettur í hug.  En girðingin er jú svo stór að það er nóg pláss til að dvelja á.

Þessi hefur fengið nafnið Von og er undan aðalmerinni sem kallinn á. 

Hver stal.....

Prjónapúkanum mínum ?

Ég er mikið búin að leita en finn hann ekki.  Þó svo ég hafi tekið til bæði fyrir og eftir jól.  Grunar þó helst að hann hafi sloppið út og einhver hafi nappað honum eða gefið honum far eitthvert þar sem meiri vinnu var að fá.  Ef þið hafið orðið vör við hann vinsamlegast látið mig vita.  Þarf orðið að á honum að halda.

Hahahaha... eða !

Ég sem vandaði mig svo.......við að setja saman texta sem væri "tvíræður" ......og það tókst .....eða ?  Veit ekki en þó voru nokkrir sem skildu mig en enn fleiri sem hristu bara hausinn og hugsuð já oki hún er alveg klikkuð þessi ........þetta skilur ekki nokkur maður. 

En mér er sama ég hafði gaman af hihihihih.....enda svo klikkuð að hálfa væri víst stóðhestur .....?  Eða nálægt því.....!   Kannski er það bara skammdegið sem fer svona í mann ?  Nú eða það að ég hef ekki komist á Útsölurnar ?  Já sennilega er það málið.  En það verður kannski eitthvað eftir þegar ég kemst suður .......sko í búðarráp.  Nú ef ekki þá fer ég bara og nota inneignarnótuna sem ég fékk í afmælisgjöf.  Annars er maður bara góður. 

Fjármál......!

Jæja þá er maður orðinn skrambi vel að sér í fjármálunum og ef maður talar í tvískiljanlegu máli þá er önnin hálfnuð eða námskeiðið í þessum lestri.  En útkoman á þessum fjárlestir  var bara nokkuð bærilegur þó svo að útséð sé að það vanti nokkra rassa af fjalli.  Sem útlegst sem hreint "tap"  En það eru jú alltaf afskirftir á hverju ári en það jafnast upp með ásetningi.  Skipin eru jú venjulega jöfn inn og út.  En svo á sér jú alltaf stað þessi óviðráðanlegi þáttu.....tap af óviðráðanlegum orsökum og stuldur náttúrunnar.   Fjárbókhaldið er enn ekki klárað enda þarf jú að klára aflestur fjármuna fyrst og yfirfara alla lista úr haustslátruninni til að allt stemmi nú.

Annars er bara svona þessi venjulegi Janúar fílingur .......biðin eftir vorinu og bjartari dögum. Gott í bili .....!

Hér eru Jónas og Gutti en hann er nýji villingurinn á heimilinu ......sem kallin á btw.  En hann er Border Collie vel ættaður og fæddur um miðjan október.